分卷阅读66(2/2)

同学一齐去果间卡啦ok，我重记得果晚就系我听到传言话：「卓晧未去三日两夜之前已经知道佢如果最后呢个比赛输左比我，佢就会攞吾到个银鸡奖，所以就用苦肉计，响最后果日扮脚伤，等我同佢都一齐完成吾到任务，最后攞到银鸡奖嘅就会系佢。」呢个传言系真系假都吾再重要，亦都冇必要去求证。呢几日天气急遽转冷，而家收工就得返果十零度，重有少少雨同好大风，收到卓晧嘅短讯，唯有将locker里面嘅衫著晒上身就出发。都系指定动作：先熄电话除埋电，再用左一个好迂迴曲折嘅方法去到目的地。今日吾系假期，加上吾系繁忙时段，果间卡啦ok又吾系响最旺嘅地区，所以客人吾多，侍应就更加少。上次我的选择呢度都系贪佢够静，吾系咁多人，留一间超大嘅房可以容纳晒我的成班同学。去到之后接待话冇客人定左房但未到，咁即系卓晧应该未到，我就叫侍应安排左一间响走廊尾最偏僻嘅一间细房比我，行过走廊，见到客人真系吾多，吾怪得卓晧拣呢度！

状态提示：分卷阅读66
本章阅读结束，请阅读下一章